रुद्रबहादुर खड्का, सिन्धुली ।
दुधौली नगरपालिका–१ का खिलबहादुर भुजेलको मृगौला चोरी गरी बेचबिखन गरेको आरोपमा तीन जना पक्राउ परेका छन्।
यो घटनामा काभ्रे पाँचखाल नगरपालिका–१० का राजकुमार परियार, नुवाकोट बेलकोटगढी नगरपालिका–९ का समिर नेपाली र बेलकोटगढी नगरपालिका–४ का राकेश नेपालीलाई पक्राउ गरेको प्रहरीले जनाएको छ ।
समिरलाई साउन २१ गते काठमाडौंको टोखाबाट र बाँकी दुई जनालाई साउन २२ गते पाँचखालबाट पक्राउ गरिएको हो।
आरोपित तीनै जनालाई काठमाडौँ जिल्ला अदालतबाट सात दिनको म्याद थप गरी अनुसन्धान भइरहेको प्रहरीले जनाएको छ।
पीडित भुजेललाई ६ लाख रुपियाँ दिने प्रलोभनमा भारतको चण्डीगढ लगेर आरोपतिहरूले २०८२ साउन ९ गते बाँया मृगौला निकाली बेचेको आरोप छ ।
