देउखुरी । दलित महिला सङ्घ (फेडो) को अध्यक्षमा रेणु सिजापती निर्वाचित हुनुभएको छ। संघको ३२औँ वार्षिक साधारण सभा तथा छैटौँ राष्ट्रिय महाधिवेशनबाट सिजापतीको अध्यक्षतामा नयाँ कार्यसमिति निर्वाचित भएको हो ।
बुटवलमा २०८३ कात्तिक १५ गते सम्पन्न महाधिवेशनले आगामी चार वर्षे कार्यकालका लागि सिजापतीको नेतृत्वमा नयाँ कार्यसमिति चयन गरेको दलित महिला सङ्घ (फेडो) का केन्द्रीय कार्यक्रम प्रबन्धक नरेश सोवले जानकारी दिनुभयो ।
महाधिवेशनले सङ्घको नयाँ नेतृत्व चयन गर्दै आगामी कार्यकालका लागि संस्थाको जिम्मेवारीसमेत हस्तान्तरण गरेको छ ।
उपाध्यक्षमा सरस्वती मण्डल, महासचिवमा हेमा सुनार, सचिवमा सिवनी ल्वागन, कोषाध्यक्षमा जानुका घताने निर्वाचित हुनुभएको छ । त्यसैगरी, सदस्यहरूमा सुमित्रा गायक, निर्मला विक, रेजिना हिमाङ्ग र रोजिना घताने रहनु भएको छ ।
