कमलामाई नगरपालिका वडा नं. ९ र कमलामाई वडास्तरीय बाल सञ्जालको संयुक्त आयोजनामा भएको प्रतियोगितामा ३ सय ५० जनाको सहभागिता रहेको कमलामाई नगरपालिका वडा नं. ९ का वडा सदस्य दिनेश न्यौपानेले जानकारी दिनुभयो ।

बालबालिका, युवा तथा विभिन्न उमेर समूहका नागरिकको सहभागिता रहेको प्रतियोगिता आठ ओटा उमेर समूहमा विभाजन गरी सञ्चालन गरिएको आयोजकले जनाएको छ ।

प्रतियोगितामा सहभागीहरूले उत्साहपूर्वक आफ्नो खेलकौशल प्रदर्शन गरेका थिए । विभिन्न विधामा उत्कृष्ट प्रदर्शन गरी पहिलो, दोस्रो र तेस्रो स्थान हासिल गर्ने प्रतियोगीलाई नगद पुरस्कार, प्रमाणपत्र तथा मेडल प्रदान गरी सम्मान गरिएको थियो ।

कार्यक्रमका प्रमुख अतिथि कमलामाई नगरपालिकाका प्रमुख उपेन्द्रकुमार पोखरेलले यस्ता प्रतियोगिताले बालबालिका, युवा तथा आम नागरिकमा खेलकुदप्रतिको आकर्षण बढाउनुका साथै शारीरिक तथा मानसिक स्वास्थ्य, अनुशासन, आत्मविश्वास र सामाजिक एकता प्रवर्धनमा महत्वपूर्ण योगदान पुर्‍याउने बताउनुभयो ।

उहाँले खेलकुदले बालबालिकाको सर्वाङ्गीण विकासमा सहयोग पुर्‍याउनुका साथै उनीहरूको क्षमता, मनोवैज्ञानिक अवस्था र सिकाइ उपलब्धि अभिवृद्धि गर्नसमेत मद्दत गर्ने धारणा व्यक्त गर्नुभयो ।

खेलकुद विकासमा बालबालिकाको सहभागिता र महत्वबारे चेतना फैलाउन पनि यस्ता कार्यक्रम प्रभावकारी हुने उहाँको भनाइ थियो ।

कार्यक्रममा कमलामाई नगरपालिकाकी उपप्रमुख मञ्जु देवकोटाले खेलकुद स्वस्थ, अनुशासित र सभ्य समाज निर्माणको महत्वपूर्ण आधार भएको बताउनुभयो ।

खेलकुद बालबालिका तथा युवाका लागि मात्र नभई सबै उमेर समूहका नागरिकको शारीरिक तथा मानसिक स्वास्थ्यका लागि उत्तिकै आवश्यक रहेको उहाँले उल्लेख गर्नुभयो ।

कमलामाई नगरपालिका-९ का वडाध्यक्ष विनोद प्रधानको अध्यक्षतामा सम्पन्न कार्यक्रममा नगरपालिकाका प्रमुख प्रशासकीय अधिकृत कृष्णप्रसाद गौतम, विभिन्न वडाका अध्यक्ष, कार्यपालिका सदस्य, न्यायिक समितिका प्रतिनिधि, शिक्षक, विद्यार्थी तथा विभिन्न सङ्घसंस्थाका प्रतिनिधिहरूको सहभागिता रहेको थियो ।

The post भिमानमा म्याराथन प्रतियोगिता, ३५० जनाको सहभागिता appeared first on मानव आवाज.

प्रधानमन्त्री तथा मन्त्रिपरिषद्को कार्यालय, सिंहदरबार, काठमाडौंलाई जिल्ला प्रशासन कार्यालय सिन्धुलीमार्फत ध्यानाकर्षण पत्र बुझाउँदै उनीहरूले उक्त निर्णय तत्काल पुनरावलोकन गरी आयोजनाको काम अविलम्ब अघि बढाउन माग गरेका छन् ।

नेपाली कांग्रेस जिल्ला कार्यसमिति सिन्धुलीका सभापति उपेन्द्रकुमार पोखरेल, नेकपा (एमाले) जिल्ला अध्यक्ष महेन्द्रदेव श्रेष्ठ र नेपाली कम्युनिस्ट पार्टी जिल्ला समिति सिन्धुलीका संयोजक चित्रबहादुर लुङ्गेलीले संयुक्त रूपमा जारी गरेको ध्यानाकर्षण पत्रमा राष्ट्रिय महत्त्वको आयोजनालाई रोक्नु वा अनिश्चित बनाउनु सिन्धुलीवासीको विकासको आकाङ्क्षामाथिको प्रहार भएको उल्लेख गरिएको छ ।

राजनीतिक दलहरूले राष्ट्रिय गौरवको आयोजना कुनै व्यक्ति वा दल विशेषको नभई सम्पूर्ण नेपाली जनताको साझा सम्पत्ति र समृद्धिको आधार भएको बताएका छन् ।

सुनकोशी-मरिन डाइभर्सन आयोजनाबाट ३१ मेगावाट विद्युत् उत्पादन गर्ने तथा तराईका आठ जिल्लामा सिँचाइ सुविधा विस्तार गरी कृषि उत्पादन र उत्पादकत्व वृद्धि गर्ने लक्ष्य राखिएको छ ।

सुरुङ निर्माणको कामसमेत सम्पन्न भइसकेको अवस्थामा टेन्डर प्रक्रिया रद्द गरिनुले यस क्षेत्रको विकास, रोजगारी सिर्जना, आर्थिक समृद्धि र स्थानीय जनताको जीवनस्तर सुधारमा गम्भीर असर पार्ने सिन्धुली क्षेत्र नं. २ का पूर्वसांसद लेखनाथ दाहालले बताउनुभएको छ । ।

राष्ट्रिय महत्त्वका आयोजनालाई पर्याप्त औचित्य, पारदर्शिता र स्पष्ट विकल्पबिना अलपत्र पार्ने प्रवृत्तिले विकास निर्माणमा नकारात्मक असर पार्ने भन्दै सिन्धुलीवासीले असन्तुष्टि व्यक्त गरेका छन् ।

प्रधानमन्त्रीलाई सम्बोधन गरी बुझाइएको ध्यानाकर्षण पत्रमा आयोजनाको टेन्डर रद्द गर्ने निर्णय तत्काल पुनरावलोकन गर्न, आयोजनालाई निरन्तरता दिन आवश्यक प्रशासनिक, प्राविधिक तथा आर्थिक प्रक्रिया अघि बढाउन र आयोजना रोक्नु वा ढिलाइ हुनुको स्पष्ट कारण सार्वजनिक गरी जनतालाई यथार्थ जानकारी गराउन माग गरिएको छ ।

त्यसैगरी, राष्ट्रिय गौरवका आयोजनालाई राजनीतिक आग्रह पूर्वाग्रहभन्दा माथि राखी राष्ट्रिय हित र जनताको विकासको आवश्यकताअनुसार सञ्चालन गर्न तथा आयोजनाको काम निर्धारित लक्ष्यअनुसार सम्पन्न गर्ने स्पष्ट कार्ययोजना सार्वजनिक गर्न पनि माग गरिएको छ ।

सिन्धुलीका राजनीतिक दल तथा सरोकारवालाहरूले राष्ट्रिय गौरवको यस आयोजनालाई निरन्तरता दिन सबै पक्ष एकजुट हुन आह्वान गरेका छन् ।

सरकारले यस विषयमा गम्भीर चासो नदिई आयोजनालाई अघि नबढाए थप कडा कदम चाल्ने चेतावनीसमेत उनीहरूले दिएका छन् ।

The post सुनकोशी-मरिन डाइभर्सनको टेन्डर रद्द गर्ने निर्णयप्रति सिन्धुलीका राजनीतिक दलको आपत्ति appeared first on मानव आवाज.

राष्ट्रिय समावेशी आयोगको आयोजना तथा कमलामाई नगरपालिकाको सहजीकरणमा २०८३ कात्तिक १६ गते सिन्धुलीको माढीमा कार्यक्रम सम्पन्न भएको हो ।

कमलामाई नगरपालिकाका प्रमुख उपेन्द्रकुमार पोखरेलको अध्यक्षतामा सम्पन्न कार्यक्रममा राष्ट्रिय समावेशी आयोगका सदस्य एवम् प्रवक्ता पुष्पराज तिमिल्सिना प्रमुख अतिथिका रूपमा सहभागी हुनुहुन्थ्यो ।

कार्यक्रममा आयोगका सदस्य मानप्रसाद खत्री, सचिव सुरेन्द्र पौडेल, नगर उपप्रमुख मञ्जु देवकोटा, सहायक प्रमुख जिल्ला अधिकारी दीपेन्द्र पौडेल, वडाध्यक्षहरू, कार्यपालिका सदस्यहरू, प्रमुख प्रशासकीय अधिकृत, शाखा प्रमुखहरू, विभिन्न समावेशी समूहका प्रतिनिधि तथा सरोकारवालाहरूको सहभागिता रहेको आयोजकले जनाएको छ ।

कार्यक्रममा नगरप्रमुख पोखरेलले स्थानीय तहमा समावेशिताको प्रभावकारी कार्यान्वयन, लक्षित वर्गको हकहित र अधिकार संरक्षण तथा राज्यबाट उपलब्ध हुने सेवा–सुविधामा सबैको समान पहुँच र सहभागिता सुनिश्चित गर्नुपर्नेमा जोड दिनुभयो ।

उहाँले नेपालको संविधान, २०७२ ले व्यवस्था गरेका अधिकारलाई व्यवहारमा कार्यान्वयन गर्नुपर्ने बताउँदै राज्यबाट पछाडि पारिएका वर्ग, जातजाति, भाषाभाषी तथा समुदायको संस्कृति संरक्षणमा स्थानीय सरकारले विशेष ध्यान दिनुपर्ने उल्लेख गर्नुभयो ।

विकास निर्माणका काममा समावेशी सहभागिताको आधारमा सबै वर्ग र समुदायको प्रतिनिधित्व सुनिश्चित गर्नुपर्ने उहाँको भनाइ थियो ।

The post स्थानीय तहमा समावेशिताको अवस्था र लक्षित वर्गको पहुँचबारे अन्तरक्रिया appeared first on मानव आवाज.

यसैक्रममा सिङ्गापुरस्थित ‘Nge Alik Tee and Zhang Wen’s Family’ को सहयोगमा रसुवामा आएको बाढीपहिरोमा परी ज्यान गुमाएका कमलामाई नगरपालिका-११ का १० परिवारलाई आर्थिक सहयोग प्रदान गरिएको छ ।

प्रत्येक परिवारलाई २० हजार रुपियाँका दरले कुल २ लाख रुपियाँ सहयोग प्रदान गरिएको हो । यस सहयोगले विपद्मा आफन्त गुमाएका परिवारलाई केही राहत पुग्ने अपेक्षा गरिएको छ ।

यसैगरी, तिलगङ्गा आँखा प्रतिष्ठान काठमाडौंको प्राविधिक सहयोग, Good Vision Nepal तथा सिङ्गापुरस्थित ‘Nge Alik Tee and Zhang Wen’s Family’ को आर्थिक सहयोग र नेपाल रेडक्रस सोसाइटी सिन्धुली जिल्ला शाखाको आयोजनामा सिन्धुलीमाढीमा निःशुल्क मोतिबिन्दु शल्यक्रिया शिविर सञ्चालन गरिएको छ ।

सिन्धुली सामुदायिक आँखा अस्पतालको व्यवस्थापनमा कात्तिक १३ र १४ गते सञ्चालित शिविरमा दुई दिनमा १ सय ४१ जनाको आँखाको शल्यक्रिया सम्पन्न भएको छ ।

शिविरको पहिलो दिन ४२ महिला र ४७ पुरुष गरी ८९ जनाको तथा दोस्रो दिन ३३ महिला र १९ पुरुष गरी ५२ जनाको मोतिबिन्दुको शल्यक्रिया गरिएको थियो ।

शिविरमा सिङ्गापुरबाट आएका सहयोगी तथा प्राविधिक टोलीका सदस्यहरूसमेत सहभागी भई सेवा प्रदान गरिरहेका छन् ।

नेपाल रेडक्रस सोसाइटी सिन्धुली जिल्ला शाखाका सभापति अशोक श्रेष्ठको सक्रियता र नेतृत्वमा असहाय तथा आर्थिक अभावका कारण उपचारबाट वञ्चित नागरिकलाई लक्षित गरी शिविर सञ्चालन गरिएको हो ।

सभापति श्रेष्ठले जिल्लाका विभिन्न स्थानीय तहमा पुगेर आँखाका बिरामीको पहिचान तथा छनोट गरी उनीहरूलाई सिन्धुली सदरमुकाम ल्याएर निःशुल्क शल्यक्रियाको व्यवस्था मिलाउँदै आउनुभएको छ ।

यसअघि मरिण र हरिहरपुरगढी क्षेत्रका ९० जना आँखाका बिरामीले समेत यस्तो निःशुल्क सेवाबाट लाभ लिएका थिए ।

निःशुल्क शल्यक्रिया तथा आर्थिक सहयोगजस्ता मानवीय सेवाका कार्यक्रमले आर्थिक रूपमा कमजोर, विपन्न तथा विपद्पीडित नागरिकलाई राहत पुर्‍याउनुका साथै स्वास्थ्य सेवामा पहुँच अभिवृद्धि गर्न महत्वपूर्ण योगदान पुर्‍याउने अपेक्षा गरिएको छ ।

The post सिन्धुलीमा १४१ जनाको निःशुल्क मोतिबिन्दु शल्यक्रिया appeared first on मानव आवाज.

सार्वजनिक सञ्चारमाध्यममा प्रकाशित समाचारप्रति ध्यानाकर्षण भएको जनाउँदै एसोसिएसनका केन्द्रीय अध्यक्ष इन्जिनियर डा. सुवासचन्द्र बरालले विज्ञप्ति जारी गरी कानुनी शासन, विधिको प्रक्रिया तथा व्यक्तिको मौलिक हकको सम्मान गर्न सम्बन्धित निकायलाई आग्रह गर्नुभएको छ ।

विज्ञप्तिमा कुनै पनि व्यक्तिलाई नियन्त्रणमा लिँदा स्थापित कानुनी प्रक्रिया र आवश्यकताको सिद्धान्त पालना गर्नुपर्ने उल्लेख गरिएको छ ।

आधिकारिक कारण तथा कानुनी आधार सार्वजनिक नगरी गरिने गिरफ्तारीले विधिको शासन र पेसागत मर्यादामाथि प्रश्न उठाउने एसोसिएसनको ठहर छ ।

सुनकोशी–मरिन डाइभर्सन आयोजनाका निर्देशक रिजाल प्रहरी नियन्त्रणमा

एसोसिएसनले सम्बन्धित निकायसँग गिरफ्तारीको कानुनी आधार र कारण तत्काल सार्वजनिक गर्न तथा सम्बन्धित व्यक्तिहरूको मानव अधिकार र कानुनी अधिकारको पूर्ण प्रत्याभूति गर्न जोडदार माग गरेको छ ।

त्यस्तै, घटनासम्बन्धी अनुसन्धान कानुनबमोजिम निष्पक्ष, पारदर्शी र विधिसम्मत ढङ्गले अघि बढाउन पनि एसोसिएसनले आग्रह गरेको छ ।

व्यक्तिको मौलिक हक तथा अधिकारको सम्मान गर्दै स्थापित कानुनी प्रक्रिया अवलम्बन गर्नुपर्नेमा विज्ञप्तिले जोड दिएको छ ।

एसोसिएसनले कानुनी शासन र पेसागत मर्यादा कायम राख्न सम्बन्धित निकाय जिम्मेवार हुनुपर्ने धारणा व्यक्त गरेको छ ।

The post इन्जिनियरमाथि भएको दुर्व्यवहारप्रति नेपाल इन्जिनियर्स एसोसिएसनको आपत्ति appeared first on मानव आवाज.

२०८३ भदौ १० गते भोटेकोशीमा आएको बाढीपहिरोमा परी बेपत्ता भएका सिन्धुलीको दुधौली नगरपालिका-४ का ४५ वर्षीय मोहनविक्रम थापाको परिवारले कुशको प्रतीकात्मक शव बनाएर अन्तिम संस्कार गरेको हो ।

त्रिशूली-३ बी जलविद्युत् आयोजनामा कार्यरत थापा बाढीपहिरोमा परेपछि बेपत्ता हुनुभएको थियो । घटनापछि आफन्त तथा स्थानीयवासीले उहाँको खोजी गरे पनि हालसम्म फेला पार्न सकेका छैनन् ।

दुई महिनासम्म खोजी गर्दा पनि उहाँको अवस्था अज्ञात रहेपछि परिवारले धार्मिक रीतिरिवाज तथा सामाजिक परम्पराअनुसार अन्तिम संस्कार गर्ने निर्णय गरेको पारिवारिक स्रोतले जनाएको छ ।

दुई महिनासम्म फर्किने आशामा प्रतीक्षा गर्दा पनि कुनै खबर नआएपछि परिवारले २०८३ कात्तिक ११ गते बुधबार कमला नदीमा कुशको प्रतीकात्मक शव बनाएर धार्मिक विधिअनुसार उहाँको अन्त्येष्टि गरेको हो ।

The post भोटेकोशी बाढीपहिरोमा बेपत्ता थापाको कुशको शव बनाएर प्रतीकात्मक अन्त्येष्टि appeared first on मानव आवाज.

सुनकोशी गाउँपालिका-५ स्थित महाकाली बहुउद्देश्यीय कृषि फर्मका सञ्चालक उमेश दर्नालले पाँच रोपनी क्षेत्रफलमा व्यावसायिक फूलखेती गर्नुभएको छ । उहाँका अनुसार फूलखेतीबाट वार्षिक करिब १० लाख रुपियाँ आम्दानी हुने गरेको छ । उहाँले तिहारलाई लक्षित गरी सयपत्री, मखमली, गोदावरीलगायत विभिन्न प्रजातिका फूल उत्पादन गरी बिक्री गर्दै आउनुभएको छ ।

फिक्कल गाउँपालिका-२ मा पिताम्बर बरालसहित तीन जना किसानले संयुक्त रूपमा पाँच रोपनी क्षेत्रफलमा फूलखेती गरेका छन् । उनीहरूले पनि तिहारलाई लक्षित गरी विभिन्न प्रजातिका फूल उत्पादन गर्दै आएका छन् ।

कमलामाई नगरपालिका-६ की विमला थापाले पनि फूल बिक्री गर्ने उद्देश्यले दुई कट्ठा क्षेत्रफलमा व्यावसायिक फूलखेती गर्नुभएको छ । यसरी जिल्लाका विभिन्न स्थानमा किसानले घरायसी प्रयोजनका साथै आम्दानीको स्रोतका रूपमा समेत फूलखेतीलाई अघि बढाउन थालेका छन् ।

तिहारमा फूलको माग उच्च हुने भए पनि जिल्लामा व्यावसायिक रूपमा फूल उत्पादन तथा बिक्री गर्ने किसानको सङ्ख्या भने सीमित रहेको देखिन्छ । यद्यपि, जिल्लाका नौ ओटै स्थानीय तहमा तिहारलाई लक्षित गरी घरघरमा करेसाबारी तथा खाली जग्गामा फूलखेती गर्ने गरिएको कृषि विकास कार्यालय सिन्धुलीले जनाएको छ ।

कृषि विकास कार्यालय सिन्धुलीकी सूचना अधिकारी उमादेवी श्रेष्ठका अनुसार जिल्लाका अधिकांश परिवारले आफ्नै घरमा आवश्यक पर्ने फूल आफैँ उत्पादन गर्ने गरेका छन् । स्थानीय उत्पादनबाटै जिल्लाको फूलको माग पूरा गर्न सकिने भएकाले तिहारका लागि अन्य ठाउँबाट फूल आयात गर्नुपर्ने अवस्था खासै नरहेको उहाँको भनाइ छ ।

घरआँगनमा फुल्ने फूलले तिहारको रौनक बढाउनुका साथै व्यावसायिक फूलखेतीले किसानका लागि आम्दानीको नयाँ सम्भावनासमेत सिर्जना गर्दै गएको छ ।

The post तिहार नजिकिएसँगै सिन्धुलीका गाउँघरमा ढकमक्क फूल, व्यावसायिक खेतीतर्फ किसानको आकर्षण appeared first on मानव आवाज.

गाउँपालिकाको आर्थिक वर्ष २०८३/८४ को स्वीकृत ‘स्वदेशी मकैको हाइब्रिड बीउ वितरण कार्यक्रम’ अन्तर्गत कृषकलाई अनुदानमा मकैको बीउ उपलब्ध गराउन लागिएको गाउँपालिकाका अध्यक्ष बज्रध्वज वाइबाले जानकारी दिनुभयो ।

गाउँपालिकाले २०८३ साल कात्तिक १० गते सूचना जारी गर्दै मकैको बीउ आवश्यक पर्ने पालिकाभित्रका इच्छुक कृषकलाई आवश्यक बीउको परिमाण खुलाएर निवेदन पेस गर्न आग्रह गरेको छ ।

गाउँपालिकाका प्रमुख प्रशासकीय अधिकृत कृष्णहरि न्यौपानेका अनुसार इच्छुक कृषकले २०८३ कात्तिक १७ गतेसम्म गाउँपालिकाअन्तर्गतका वडा नम्बर ३, ४ र ८ का कृषि सेवा केन्द्र वा गाउँपालिकाको कृषि विकास शाखामा निवेदन पेस गर्नुपर्नेछ ।

निवेदनसँगै कृषकले नागरिकता प्रमाणपत्रको प्रतिलिपि, खेती गरिने जग्गाको लालपुर्जा वा ऐलानी जग्गाको हकमा निस्सा कार्डको प्रतिलिपि पेस गर्नुपर्नेछ ।

जग्गा लिज वा भाडामा लिएर खेती गर्ने कृषकले सम्झौताको प्रतिलिपिसमेत बुझाउनुपर्ने गाउँपालिकाले जनाएको छ ।

त्यसैगरी, कृषक अनिवार्य रूपमा किसान सूचीकरण प्रणालीमा सूचीकृत भएको हुनुपर्नेछ । प्रणालीमा सूचीकृत नभएका कृषकले निवेदन दिन आउँदा आफ्नो मोबाइल नम्बर अनिवार्य रूपमा साथमा ल्याउनुपर्ने सूचनामा उल्लेख छ ।

कृषि उत्पादन वृद्धि तथा कृषकलाई मकै खेतीतर्फ प्रोत्साहित गर्ने उद्देश्यले गाउँपालिकाले अनुदानमा बीउ वितरण कार्यक्रम सञ्चालन गर्न लागेको जनाएको छ ।

The post हरिहरपुरगढीमा कृषकलाई ५० प्रतिशत अनुदानमा हाइब्रिड मकैको बीउ वितरण गरिने appeared first on मानव आवाज.

सिन्धुली । राष्ट्रिय गौरवको रूपान्तरणकारी आयोजना सुनकोशी-मरिन डाइभर्सनका आयोजना निर्देशक कृष्णप्रसाद रिजाललाई प्रहरीले नियन्त्रणमा लिएको छ ।

प्रहरीले २०८३ साल कात्तिक १२ गते सिन्धुलीको कुसुमटारस्थित आयोजना कार्यालयबाटै उनलाई नियन्त्रणमा लिएर काठमाडौं पुर्‍याएको हो ।

सिन्धुलीस्थित सुरक्षा स्रोतका अनुसार प्रधानमन्त्री तथा मन्त्रिपरिषद्को कार्यालयको निर्देशनमा उनलाई प्रहरीले नियन्त्रणमा लिएको आयोजना कार्यालयले जनाएको छ ।

काठमाडौंस्थित उपत्यका अपराध अनुसन्धान कार्यालय र जिल्ला प्रहरी परिसर काठमाडौंको निर्देशनपछि जिल्ला प्रहरी कार्यालय सिन्धुलीको सहयोगमा उनलाई काठमाडौं लगिएको हो ।

आयोजना निर्देशकका रूपमा रिजाल सरुवा भएर आएको एक वर्ष पनि पूरा भएको छैन । उहाँ आएपछि सुनकोशी नदीमा बाँध निर्माणका लागि दोस्रोपटक ठेक्का आह्वान गरिएको थियो ।

उक्त ठेक्काको आर्थिक प्रस्ताव यही कात्तिक १६ गते खोल्ने तयारी भइरहेका बेला उनलाई प्रहरीले नियन्त्रणमा लिएपछि घटनालाई आयोजनाको ठेक्का प्रक्रियासँग जोडेर हेरिएको छ । यस विषयमा भने आधिकारिक पुष्टि हुन बाँकी छ ।

आयोजनाअन्तर्गत यसअघि १३.३ किलोमिटर लामो सुरुङ निर्माणको जिम्मा पाएको चिनियाँ कम्पनी कोवेकले निर्धारित समयसीमाभन्दा अगावै काम सम्पन्न गरेको थियो ।

तर, सुनकोशी नदीमा बाँध र कुसुमटारमा विद्युत् गृह निर्माणको जिम्मेवारी पाएको रमण-पटेल जेभीले निर्धारित समयमा काम सम्पन्न गर्न नसकेपछि उक्त ठेक्का रद्द गर्नुपरेको थियो ।

पछिल्लो समय आयोजनाको बाँकी काम निर्माणका लागि आह्वान गरिएको टेन्डरमा स्वदेशी तथा विदेशी गरी छवटा निर्माण व्यवसायीले प्रस्ताव दर्ता गराएका थिए। तीमध्ये तीनवटा कम्पनीको मात्र प्राविधिक प्रस्ताव स्वीकृत भएको थियो ।

प्राविधिक प्रस्ताव स्वीकृत हुने कम्पनीमा चाइना इन्टरनेसनल वाटर एन्ड इलेक्ट्रिक कर्पोरेसन (बेइजिङ), अन्नेग-आरसीसी जेभी र सिनोहाइड्रो कर्पोरेसन (चीन) रहेका छन् ।

यी तीन कम्पनीमध्ये एउटाले आगामी २०८३ कात्तिक १६ गते ठेक्का पाउने प्रक्रिया अघि बढिरहेको थियो ।

ठेक्का प्रक्रियाको महत्वपूर्ण चरणमा आयोजना निर्देशक नै प्रहरी नियन्त्रणमा परेपछि सिन्धुलीको राजनीतिक तथा प्रशासनिक वृत्तमा ठूलो हलचल पैदा भएको छ ।

The post सुनकोशी–मरिन डाइभर्सन आयोजनाका निर्देशक रिजाल प्रहरी नियन्त्रणमा appeared first on मानव आवाज.

परीक्षणका क्रममा १३ जना मोतिबिन्दुका बिरामी शल्यक्रियाका लागि छनोट भएका छन् भने ६ जनालाई निःशुल्क चश्मा वितरण गरिएको अस्पतालले जनाएको छ ।

२०८३ साल कात्तिक ११ गते नेपाल रेडक्रस सोसाइटी सिन्धुली जिल्ला शाखाको आयोजनामा शिविर सञ्चालन गरिएको हो ।

शिविर तिलगङ्गा आँखा प्रतिष्ठान, काठमाडौं, Nge Alik Tee and Zhang Wen’s Family, Singapore तथा Good Vision Nepal को सहयोगमा सम्पन्न भएको हो ।

शिविरको संयोजन तथा व्यवस्थापन तीनपाटन गाउँपालिका र नेपाल रेडक्रस सोसाइटी लाम्पानटार उपशाखाले गरेका थिए ।

शिविरमार्फत स्थानीय नागरिकको आँखा परीक्षण गरी मोतिबिन्दुको समस्या पहिचान गर्नुका साथै आवश्यक शल्यक्रियाका लागि बिरामी छनोट गरिएको तीनपाटन गाउँपालिकाका अध्यक्ष कर्णबहादुर मगरले जानकारी दिनुभयो ।

ग्रामीण क्षेत्रका नागरिकलाई सहज रूपमा आँखा स्वास्थ्य सेवामा पहुँच पुर्‍याउने उद्देश्यले शिविर सञ्चालन गरिएको गाउँपालिकाका उपाध्यक्ष धनबहादुर अशोक पुलामीले बताउनुभयो ।

आँखा स्वास्थ्य सेवासम्बन्धी विभिन्न संस्था तथा निकायको सहकार्यले स्थानीय नागरिकलाई आँखा परीक्षण तथा उपचारसम्बन्धी सेवा प्राप्त गर्न सहयोग पुगेको नेपाल रेडक्रस सोसाइटी सिन्धुली जिल्ला शाखाका सभापति अशोक श्रेष्ठले जानकारी दिनुभयो ।

ग्रामीण क्षेत्रमा आँखा स्वास्थ्य सेवाको पहुँच विस्तार गर्न यस्ता शिविरले महत्त्वपूर्ण योगदान पुर्‍याउने अपेक्षा गरिएको छ ।

The post तीनपाटनमा सञ्चालित आँखा शिविरमा ११७ जनाको परीक्षण, १३ जनामा मोतिबिन्दु appeared first on मानव आवाज.