श्रेष्ठलाई पक्राउ गर्ने पुर्जी दिन ललितपुर अदालतद्वारा अस्वीकार

ललितपुर । वरिष्ठ पत्रकार किशोर श्रेष्ठलाई पक्राउ गर्नका लागि जिल्ला अदालत, ललितपुरले अनुमति दिन अस्वीकार गरेको छ ।

उपभासमुख रुवीकुमारी ठाकुरको उजुरीका आधारमा जिल्ला प्रहरी कार्यालय, ललितपुरको टोली पक्राउ पूर्जीका लागि जिल्ला अदालत पुगेको खबर छ । तर, जिल्ला अदालत, ललितपुरले पक्राउ पूर्जी जारी गर्न अस्वीकार गरेको हो ।

सर्वोच्च अदालतले वरिष्ठ पत्रकार श्रेष्ठलाई २०८३ भदौ १ गते मात्रै अर्को मुद्दामा रिहा गर्न आदेश दिएको थियो ।

न्यायाधिशद्वय नहकुल सुवेदी र बाबुराम ढकालको इजलासले हिरासतबाहिरै राखेर अनुसन्धान गर्न भनेको हो ।

श्रेष्ठलाई गैरकानुनीरुपमा गिरफ्तार गरिएको भन्दै उहाँकी पत्नी सरस्वती श्रेष्ठले बन्दी प्रत्यक्षीकरण रिट दायर गर्नुभएको थियो ।