काठमाडौं । भूमिहीन, सुकुम्बासी तथा अव्यवस्थित बसोबासीको हकअधिकार सुनिश्चित गर्न माग गर्दै काठमाडौँमा खबरदारी र्याली निकालिएको छ ।
संयुक्त राष्ट्रिय सुकुम्बासी मोर्चा, काठमाडौं उपत्यका विशेष समितिको आयोजनामा बिहीबार माइतीघर मण्डलाबाट नयाँ बानेश्वरसम्म खबरदारी र्याली निकालिएको हो ।
मानव अधिकारको ज्वलन्त प्रश्न-गरिबी कि गरिब नियन्त्रण ?
र्यालीमा सहभागीहरूले ‘गरिबमारा सरकार मुर्दावाद’, ‘लोकतन्त्रको सम्मान गर्’, ‘मानवअधिकारको सम्मान गर्’, ‘सुकुम्बासीको व्यवस्थापन के गरिस् ?’ लगायतका नारा लेखिएका प्लेकार्ड बोकेका थिए ।
र्यालीमा सहभागीहरूले भूमिहीन, सुकुम्बासी तथा अव्यवस्थित बसोबासीको दीर्घकालीन व्यवस्थापन गर्न सरकारसँग माग गरेका छन् ।
उनीहरूले राज्यले उचित वैकल्पिक व्यवस्था नगरी डोजर चलाएर नागरिकलाई विस्थापित गर्न नहुने बताएका छन् ।
आन्दोलनरत पक्षले सरकारी डोजर कारबाहीका क्रममा विस्थापित भएर ज्यान गुमाएका नागरिकलाई भूमिअधिकार आन्दोलनका सहिद घोषणा गर्नुपर्ने मागसमेत अघि सारेको छ ।
डोजरको त्रासमा बालअधिकार !
उनीहरूका अनुसार सरकारको ‘डोजर आतङ्क’ का कारण हालसम्म ९ जना नागरिकले ज्यान गुमाएका छन् ।
भूमिहीन तथा सुकुम्बासीको समस्या समाधानका लागि स्पष्ट नीति, कानुनी व्यवस्था र मानवीय दृष्टिकोणसहितको पुनःस्थापना कार्यक्रम ल्याउनुपर्ने उनीहरूको जोड छ ।
