काठमाडौँ । प्रधानमन्त्री वालेन्द्र शाह संयुक्त राष्ट्रसङ्घको ८१औँ महासभामा सहभागी हुन नेपाली प्रतिनिधिमण्डलको नेतृत्व गर्दै न्यूयोर्क पुग्नुभएको छ ।
प्रधानमन्त्री शाहलाई न्यूयोर्कस्थित जेएफके अन्तरराष्ट्रिय विमानस्थलमा परराष्ट्रमन्त्री शिशिर खनाल, परराष्ट्रसचिव अमृतबहादुर राई र संयुक्त राष्ट्रसङ्घका लागि नेपालका स्थायी प्रतिनिधि राजदूत लोकबहादुर थापालगायतले स्वागत गर्नुभएको छ ।
प्रधानमन्त्री शाहले २०८३ असोज ८ गते नै संयुक्त राष्ट्रसङ्घका महासचिव एन्टोनियो गुटेरेससँग शिष्टाचार भेटवार्ता गर्नुहुने कार्यक्रम छ । उहाँ न्यूयोर्कस्थित नेपाली नियोगले आयोजना गर्ने स्वागत समारोहमा समेत सहभागी हुनुहुनेछ ।
प्रधानमन्त्री शाहले असोज ८ गते नै महासभाको उच्चस्तरीय साधारण बहसलाई सम्बोधन गर्नुहुने कार्यक्रम रहेको परराष्ट्र मन्त्रालयले जनाएको छ । उहाँ २०८३ असोज १० गते नेपाल फर्कने कार्यक्रम छ ।
