ललितपुर । २३ वर्षमुनिको एएफसी एसियन कप छनोट प्रतियोगिताअन्तर्गतको पहिलो खेलमा नेपाल ताजकिस्तानसँग फराकिलो अन्तरले पराजित भएको छ ।
गएराति ताजकिस्तानको दुसान्बेस्थित पामिर रङ्गशालामा भएको समूह ‘के’ को पहिलो खेलमा नेपाल ताजकिस्तानसँग ४–० गोलले पराजित भएको हो ।
ताजकिस्तानका लागि अजिजबोएभ मुहम्मादालीले दुई तथा रहमात्सोह रमात्जोदा र देलर सारिपोभले एक–एक गोल गर्नु भएको थियो ।
नेपालले २०८२ भदौ २१ गते शनिबार सिरियासँग खेल्ने छ । यो खेल नेपाली समयअनुसार बेलुका पौने ७ बजे सुरु हुनेछ ।
सिरियाले २०८२ भदौ १८ गते भएको खेलमा फिलिपिन्सलाई २–१ गोलले हराएको छ । समूह ‘के’ मा नेपालसहित, ताजकिस्तान, सिरिया र फिलिपिन्स रहेका छन् ।
