काठमाण्डौ । फिफा विश्वकप फुटबलमा फ्रान्सका खेलाडी किलियन एम्बाप्पेले गरेको गोल किर्तिमानी गोलका रूपमा रहेको छ ।
न्यूयोर्कको न्युजर्सी स्टेडियममा २०८३ असार ३ गते बिहान सम्पन्न खेलमा फ्रान्सले सेनेगललाई ३-१ गोल अन्तरले पराजित गर्दै महत्त्वपूर्ण तीन अङ्क जोडेको हो ।
फ्रान्सको जितमा कप्तान किलियन एम्बाप्पेले दुई गोल गर्नुभयो । खेलको पहिलो हाफ गोलरहित बराबरी भएकोमा फ्रान्सले दोस्रो हाफमा उत्कृष्ट प्रदर्शन गर्यो ।
एम्बाप्पे फ्रान्सका सर्वाधिक गोलकर्ता समेत बन्नुभएको छ । उहाँले राष्ट्रिय टोलीका लागि ९९ खेलमा ५८ गोल पूरा गर्दै ओलिभियर जिरुडको ५७ गोलको कीर्तिमान तोड्नुभएको हो । विश्वकपमा एम्बाप्पेको कुल गोल सङ्ख्या १४ पुगेको छ ।
