ललितपुर । ललितपुर जिल्लाका नगर तथा गाउँपालिकाहरूले आर्थिक वर्ष २०८२/८३ का लागि बजेट सार्वजनिक गरेका छन्।
‘समृद्धिका लहर’ भन्ने नारासहित सार्वजनिक गरिएका बजेट योजनाहरूले भौतिक पूर्वाधार, शिक्षा, स्वास्थ्य र वातावरण संरक्षणमा जोड दिएको जनाइएको छ।
ललितपुर महानगरपालिकाले सबैभन्दा ठूलो बजेट ल्याएको छ। महानगरले आगामी वर्षका लागि ७ अर्ब ४७ करोड ४१ लाख ४७ हजार रुपियाँको बजेट प्रस्ताव गरेको छ ।
अन्य स्थानीय तहहरूको बजेट
गोदावरी नगरपालिका – २ अर्ब ७ करोड २२ लाख ९० हजार ४ सय ४९ रुपियाँ
महालक्ष्मी नगरपालिका – १ अर्ब ८१ करोड रुपियाँ
बागमती गाउँपालिका – ६२ करोड ७३ लाख ६३ हजार ८ सय ७३ रुपियाँ
महाङ्काल गाउँपालिका – ५३ करोड ३ लाख रुपियाँ
कोन्ज्योसोम गाउँपालिका – ४५ करोड ५९ लाख ७६ हजार रुपियाँ
बजेटमार्फत समावेशी विकास, ढल तथा फोहोर व्यवस्थापन, प्रविधिमैत्री सेवाहरू र नविनतम शहरी पूर्वाधार निर्माणलाई प्राथमिकतामा राखिएको छ। अधिकांश स्थानीय तहले शिक्षा तथा स्वास्थ्य क्षेत्रमा पनि विशेष बजेट छुट्याएको जनाएका छन्।
ललितपुरका जनप्रतिनिधिहरूका अनुसार, यो बजेटले जिल्लालाई ‘स्मार्ट’ र ‘हरित’ सहरतर्फ उन्मुख गराउने विश्वास लिइएको छ।
