मधु पन्थी, पोखरा
बागलुङ जिल्ला अबस्थित नेपालकै प्रसिद्ध धार्मिक शक्तिपिठ कालिका भगवती मन्दिर व्यवस्थापन समिति अध्यक्ष कुमार खड्काको अध्यक्षतामा बसेको बैठकले मन्दिरको २०८२ जेठ महिनामा २८ लाख ८७ हजार १ सय २७ रुपियाँ आम्दानी गरेको आम्दानी र खर्चको हिसाब किताब २०८२ असार ३ गते सार्वजनिक गरेको छ ।
अध्यक्ष कुमार खड्काका अनुसार भक्तजनले चढाएको भेटीबाट १७ लाख ५३ हजार ९ सय ३०, चामलबाट ४२ हजार ६ सय, बोकाको टाउको विक्रीबाट ७७ हजार ७ सय, ५० कुखुराबाट ४ हजार ९ सय ५० रुपियाँ आम्दानी भएको बताउनु भयो।
भाडामा दिएको सटरबाट ३ लाख ९ हजार ५ सय ४० विवाहबाट ५ हजार, आर्थिक सहयोग मार्फत १ लाख २५ हजार ८ सय ७ रुपियाँ, परेवा विक्रीबाट ५ लाख ५० हजार ७ सय ५० रुपियाँ, पण्डितबाट १४ हजार ६ सय रुपियाँ, राँगाबाट २ हजार २ सय रुपियाँ आम्दानी रहेको ।
कालिका भगवती गुठी व्यवस्थापन समितिका कोषाध्यक्ष रामबहादुर खड्काले जेठ महिनामा १५ लाख ८१ हजार ८ सय ५० रुपियाँ खर्च भएको बताउनु भयो ।
जसमा गुठीका कर्मचारीलाई तलब रू ३ लाख ९० हजार रुपियाँ, विद्युत खर्च ३१ हजार २ सय रुपियाँ, अतिथि सत्कार १ लाख २६ हजार ५ सय रुपियाँ, आर्थिक सहयोग ३० हजार रुपियाँ, पूर्वाधार विकास तथा निर्माण ५ लाख २५ हजार रुपियाँ, पुजा खर्च ३६ हजार रुपियाँ, पोशाक ५० हजार रुपियाँ, खाध्यान्न तथा आवास ७७ हजार ९ सय रुपियाँ, यातायात भ्रमण ७५ हजार रुपियाँ, इन्धन २६ हजार ७ सय रुपियाँ, विज्ञापन ३ हजार रुपियाँ र चैत्राष्ठमी मेलामा २ लाख खर्च भएको छ । जस मध्ये १३ लाख ५ हजार ३ सय २७ रुपियाँ बचत भएको कोषाध्यक्ष खड्काले जानकारी दिनु भयो ।
