ललितपुर । यो वर्ष नेपालको मानव विकास सूचकाङ्क (एचडीआई) मा सामान्य सुधार भएको छ ।
गत वर्ष नेपालको एचडीआई ०.६०५ रहेकोमा यस वर्ष ०.६२२ पुगेको हो ।
नेपाल यसअघिदेखि नै मध्यम स्तरको मानव विकासको अवस्थामा रहँदै आएको छ ।
सन् २०१५ को तुलनामा भने नेपालले मानव विकास सूचकाङ्कमा ५ स्थान सुधार गरेको छ ।
पछिल्लो ३५ वर्षमा नेपालको मानव विकास सूचकाङ्कमा ५४ प्रतिशतको वृद्धि भएको पनि प्रतिवेदनमा उल्लेख छ ।
नेपालमा प्रजातन्त्रको पुनर्स्थापना भएपछिको सकारात्मक परिवर्तनका रुपमा मानव विकास सूचकाङ्कको तथ्याङ्कले प्रष्ट्याएको छ ।
नेपालको मानव विकास सूचकाङ्क खराब हुनुमा प्रतिव्यक्ति आय कमजोर हुनु र लैङ्गिक असमानता कायम रहनुलाई पनि प्रमुख कारण मानिएको छ ।
दक्षिण एसियामा श्रीलङ्का सबैभन्दा माथि ८९ स्थानमा छ भने माल्दिभ्स ९३औं स्थानमा छ ।
भुटान १२५ औं, भारत र बङ्गलादेश समान १३० औं स्थानमा, नेपाल १४५ औं स्थानमा छन् । पाकिस्तान सबैभन्दा तल १६८ औं स्थानमा छ ।
मानव विकास सूचकाङ्कको सूची हेर्न यहाँ क्लिक गर्नु होला
