ललितपुर । नेपाल सरकारले सामाजिक सञ्जालहरूको सूचीकरण गर्ने निर्णयसँगै दर्ता नभएका प्लेटफर्मलाई बन्द गर्ने प्रक्रिया अघि बढाएको छ ।
यस क्रममा नेपालमा सबैभन्दा लोकप्रिय फेसबुक, इन्स्टाग्राम, एक्स (अघिल्लो ट्विटर), मेसेन्जर, ह्वाट्सएप, युट्युबलगायतका प्रमुख सामाजिक सञ्जाल अब बन्द हुने पक्का भएको छ ।
सरकारले दिएको सात दिनको समयसीमा सकिएपछि दर्ता नगरेका ती प्लेटफर्महरूलाई नेपालभित्र प्रयोग गर्न नसकिने गरी अवरुद्ध गर्ने तयारी भएको हो ।
यसैबिच पाँच ओटा सामाजिक सञ्जाल-टिकटक, भाइबर, निम्बज, विटक र पोपो लाइभ मात्र सूचीकरणमा दर्ता भएकाले नेपालमा निरन्तर सञ्चालनमा रहनेछन् ।
सूचना तथा सञ्चार प्रविधि मन्त्रालयका अनुसार सूचीकरण नगरेका सामाजिक सञ्जालले कर, विज्ञापन नियमन, प्रयोगकर्ता डाटा सुरक्षा र अन्य कानुनी मापदण्ड पालन नगर्ने भएकाले यस्तो कदम चालिएको हो ।
मन्त्रालयले नेपालमा सेवा दिन इच्छुक सबै सामाजिक सञ्जाल कम्पनीलाई अनिवार्य रूपमा दर्ता गर्न आग्रह गर्दै आएको छ ।
यसरी हेर्दा अब नेपालमा प्रयोगकर्ताले सजिलै प्रयोग गर्न पाउने प्लेटफर्ममा टिकटक, भाइबर, निम्बज, विटक र पोपो लाइभ मात्र रहनेछन् भने, फेसबुक, इन्स्टाग्राम, युट्युब, एक्स (ट्विटर), मेसेन्जर, ह्वाट्सएपलगायतका विश्वव्यापी लोकप्रिय प्लेटफर्महरू बन्द हुनेछन् ।
यस कदमपछि नेपाली सामाजिक सञ्जाल प्रयोगकर्ताले वैकल्पिक प्लेटफर्म रोज्ने वा VPN प्रयोगमार्फत पहुँच लिने सम्भावना बढ्ने देखिन्छ ।
दर्ता नभएका सामाजिक सञ्जाल-(फेसबुक, म्यासेन्जर, इन्स्टाग्राम, युट्युब, ह्वाट्सएप, ट्वीटर, लिङ्कडइन, स्न्याप च्याट, रेडिट, डिस्कर्ड, पिन्ट्रेस्ट, सिग्नल, थ्रेड, वी च्याट, कोरा, सम्ब्लर, क्लब हाउस, मास्टर डन, रम्बल, मि वी, मि भिके, लाइन, इमो, जालो, सोल, हाम्रो पात्रो)
