काठमाडौं । अन्तरिम सरकारकी प्रधानमन्त्री सुशीला कार्कीले संविधान संशोधन निर्वाचनमार्फत मात्र सम्भव हुने बताउनुभएको छ ।
सिंहदरबारबाट २०८२ असोज ९ गते साँझ राष्ट्रका नाममा गरिएको सम्बोधनमा उहाँले आन्दोलनका क्रममा उठाइएका कतिपय विषयहरू सरकारको अधिकारक्षेत्रभन्दा बाहिर रहेको भन्दै संवैधानिक मार्गबाट अघि बढ्नुपर्नेमा जोड दिनु भएको हो ।
यससँगै प्रधानमन्त्री कार्कीले निर्वाचनमा सहभागी भएर जनताले दिन सक्ने निर्णयलाई नै संविधान संशोधनको आधार बनाउनुपर्नेमा सबैलाई आह्वान गर्नुभएको छ ।
प्रधानमन्त्री कार्कीले जेनजी आन्दोलनमा सहभागी युवाहरूको मुख्य माग भ्रष्टाचार नियन्त्रण र सुशासन रहेको बताउँदै सरकार त्यसप्रति जिम्मेवार भएर लाग्ने प्रतिबद्धता जनाउनु भयो ।
उहाँले आन्दोलनका क्रममा भएको आगजनी र तोडफोडको भर्त्सना गर्दै दोषीमाथि कानुनी कारबाही गर्ने आश्वासन दिनु भयो ।
सिंहदरबारबाट भएको यो सम्बोधन उहाँको सरकार गठनपछि पहिलो पटकको राष्ट्रका नाममा गरिएको सम्बोधन हो ।
सम्बोधनको पूर्णपाठ
