शङ्खमुलस्थित अपार्टमेन्टमा बस्दै आएका थापा लामो समयदेखि नेपाली र भारतीय चलचित्र उद्योगमा सक्रिय थिए । 

नेपाली चलचित्रमा ‘खलनायक’ को भूमिकालाई पनि नायक सरह चर्चा र सम्मान दिलाउन सफल थापा ‘राते काइँला’ को नामले चर्चित थिए । उनका परिवारका अन्य सदस्यहरू भारतको मुम्बई बस्छन् ।

The post वरिष्ठ कलाकार सुनिल थापाको निधन appeared first on मानव आवाज.

दक्षिण ललितपुरको कोन्ज्योसोम गाउँपालिकाको ग्रामीण परिवेशमा हुर्किनुभएका सुजनले सीमित स्रोत, कठिन अभ्यास र निरन्तर सङ्घर्षका बिच आफ्नो पहिचान बनाउँदै आज देशकै सबैभन्दा प्रतिष्ठित राष्ट्रिय फुटबल लिग खेल्ने खेलाडीको स्तरसम्म यात्रा तय गर्नुभएको छ ।

कोन्ज्योसोम गाउँपालिकाबाट राष्ट्रिय लिगमा अनुबन्धित हुने पहिलो फुटबल खेलाडी बनेर उहाँले व्यक्तिगत सफलता मात्र होइन, स्थानीय इतिहाससमेत रच्नुभएको छ ।

२०५७ असोज २७ गते जन्मिनुभएका सुजन स्याङ्तान कोन्ज्योसोम गाउँपालिका–१ निवासी प्रतिभाशाली नेपाली फुटबल खेलाडी हुनुहुन्छ ।

उहाँको मुख्य पोजिसन लेफ्ट विंगर हो, जहाँ तीव्र गति, धारिलो ड्रिब्लिङ र आक्रमणात्मक सोच उहाँका प्रमुख बलिया पक्षका रूपमा चिनिन्छन् ।

मैदानमा उहाँको आत्मविश्वास र खेल पढ्ने क्षमता उमेरभन्दा परिपक्व देखिन्छ, जसले प्रशिक्षक र समर्थकहरूको ध्यान तान्दै आएको छ ।

सुजनको औपचारिक प्रतिस्पर्धात्मक फुटबल यात्रा वि.सं. २०७५ मा ललित मेमोरियल १८ वर्षमुनिको फुटबल प्रतियोगिताबाट सुरु भयो ।

एपीएफ १८ वर्षमुनिको टिमबाट पहिलो प्रतिस्पर्धात्मक खेल खेल्दै उहाँले सङ्गठित फुटबलको अनुभव लिन थाल्नु भयो ।

त्यसपछि टु स्टार क्लबबाट सी डिभिजन छनोट प्रतियोगितामा सहभागिता जनाउँदै उहाँले उच्च प्रतिस्पर्धा, दबाब र अनुशासनको वास्तविक पाठ सिक्नुभयो, जसले उहाँको खेल जीवनलाई नयाँ दिशातर्फ डोहोर्‍यायो ।

२०७८ सालमा वीरगञ्ज युथ एकेडेमीबाट शहीद स्मारक सी डिभिजन लिग खेल्दै सुजनले सिनियर स्तरको फुटबलमा आफ्नो उपस्थितिलाई मजबुत बनाउनु भयो ।

यस अवधिमा उहाँको खेल समझ, शारीरिक क्षमता र निरन्तरतामा उल्लेखनीय सुधार देखियो ।

नियमित खेल्ने अवसरले उहाँलाई जिम्मेवार खेलाडीका रूपमा परिपक्व बनायो र उच्च डिभिजनतर्फ उक्लिने आधार तयार गर्‍यो ।

उक्त यात्राको अर्को महत्वपूर्ण मोड २०८१ सालमा आयो, जब उहाँ बोइज युनियन क्लबबाट शहीद स्मारक बी डिभिजन लिगमा सहभागी हुनु भयो ।

प्रतियोगितामा टोलीले उपविजेता स्थान हासिल गर्‍यो, जुन उपलब्धिले सुजनको करिअरलाई नयाँ उचाइमा पुर्‍यायो ।

यो प्रदर्शनले उहाँ उच्च स्तरको प्रतिस्पर्धामा टिक्न र प्रभाव पार्न सक्षम खेलाडी भएको प्रमाणित गर्‍यो ।

निरन्तर मेहनत, अनुशासन र उत्कृष्ट प्रदर्शनको परिणामस्वरूप हाल सुजन स्याङ्तान सातदोबाटो युथ क्लबमा आवद्ध भई नेसनल लिग खेल्ने तयारीमा हुनुहुन्छ ।

भविष्यमा नेपाली फुटबलमा आफ्नो बलियो प्रभाव जमाउँदै क्लब र राष्ट्रका लागि योगदान दिने उहाँको दृढ सङ्कल्प स्पष्ट देखिन्छ ।

राष्ट्रिय लिगसम्मको यो यात्रा सुजनका लागि अन्तिम लक्ष्य होइन, बरु अझ ठूला सपना र चुनौतीतर्फको प्रवेशद्वार हो ।

लामो सङ्घर्ष, निरन्तर अभ्यास र कहिल्यै नथाक्ने मेहनतले सुजनलाई हरेक नेपाली फुटबल खेलाडीको सपना मानिने राष्ट्रिय लिगसम्म पुर्‍याएको छ ।

यो अनुबन्ध व्यक्तिगत उपलब्धि मात्र नभई कोन्ज्योसोम गाउँपालिका र सिङ्गो दक्षिण ललितपुरका सयौँ युवाहरूका लागि आशा र प्रेरणाको कथा बनेको छ ।

सुजनको सफलताले स्थानीय समुदायलाई गर्व गराएको छ र गाउँका युवाहरू अब फुटबललाई केवल रहर होइन, सम्भावनाको बलियो बाटोका रूपमा हेर्न थालेका छन् ।

सुजन स्वयम् भन्नुहुन्छ-“सङ्घर्ष कहिल्यै खेर जाँदैन । अवसर ढिलो आउन सक्छ, तर मेहनतले कहिल्यै धोका दिँदैन ।”

सुजन स्याङ्तानको यात्रा यहीँ समाप्त हुँदैन-यो त अझ ठूलो लक्ष्य, अझ उच्च प्रतिस्पर्धा र नेपाली फुटबलको उज्यालो भविष्यतर्फको सुरुआत मात्र हो ।

The post दक्षिण ललितपुरको माटोबाट राष्ट्रिय लिगसम्म: सुजनको सङ्घर्ष र सपना appeared first on मानव आवाज.

दिन चढ्दै जाँदा, कहिले प्रदेश मातहतका कार्यालयमा छलफल, कहिले सङ्घीय सरकारका मन्त्रालय र नीतिनिर्मातासँग योजना मिलाउने दौडमा मन्त्री कृष्णप्रसाद पाठकका दिनचर्या  बित्ने गरेका छन् ।   रातिको थकान, भोलिपल्ट फेरि उस्तै ऊर्जा लिएर दौडन तयार । 

‘ म जनताको सेवक हुँ । पाएको जिम्मेवारीलाई जनताको हितमा भरपुर प्रयोग गर्ने सङ्कल्पले हिँडेको छु ।’-पाठक मुस्काउँदै भन्नुहुन्छ- ‘मेरै कार्यकालमा गण्डकी प्रदेशको स्वास्थ्य सेवालाई देखिने गरी सुधार्ने र जनताले परिवर्तनको महसुस गर्ने बनाउनु पर्नेछ ।’

त्यसो त सङ्घीयताको मर्म अनुसार काम नगर्दा नेपालमा पछिल्लो समय प्रदेश सरकारहरू सेतो हात्ती जस्तै भएको टिप्पणी चोक चोक र चौतारामा हुने गरेका छन् ।  राष्ट्रिय जनमोर्चाका नेता चित्रबहादुर केसी त विदेशीले थोपरेको प्रदेश संरचना खारेज गरिनुपर्छ भन्नुहुन्छ ।

प्रदेश संरचनामार्फत जनताले गरेका अपेक्षा पूरा नभइरहेको सन्दर्भमा उहाँको यो भनाइमा थप बल पुगेको  छ । उहाँमात्रै होइन पछिल्लो समय काँग्रेस र एमालेकै कतिपय नेताहरूले पनि  प्रदेश सरकार राज्य कोषका बोझ मात्रै भएको  टिप्पणी गरेका छन् । 

तर, गण्डकी प्रदेशमा भने स्वास्थ्यमन्त्री कृष्ण पाठकको छोटो कार्यकाल नै जनतामा प्रदेशप्रति बढेको निराशा  आशामा बदल्ने बुटी बनेर आउने सङ्केत देखिन थालेका छन् ।  पाठकको सक्रियताले पोखराका सरकारी अस्पताल मात्रै होइन बागलुङ, तनहुँ, र लमजुङका अस्पतालमा बिरामीले भोग्ने गरेका समस्या हटेका छन् । सेवा सञ्चालनमा भएका सुधारले बिरामीले घण्टौँ कुर्नुपर्ने अवस्था  घटेको छ ।

अस्पतालमा हाजिर गरेर निजीमा जाँच्न पुग्ने चिकित्सक फेरिएका छन् ।  ज्येष्ठ नागरिक र सुत्केरी सेवामा विशेष ध्यान दिने र स्वास्थ्यकर्मीलाई बिरामीको सेवामा जिम्मेवार बनाउने  प्रयासले जनताको मन छुन थालेको छ। पोखराको गण्डकी अस्पतालमा उपचारका लागि आउनु भएकी तनहुँकी कल्पना आचार्य भन्नुहुन्छ-‘अस्पताल त अहिले पुरै फेरिएको रहेछ ।’

पहिले जस्तै चर्को भीड नभएको बताउने उनी समयमै चिकित्सक भेटदाँ र अस्पातलभित्रैको फार्मेसीबाट औषधी पाएकोमा दङ्ग देखिनु भयो ।  त्यसो त यसअघिका मन्त्रीको नाम सुन्ने र फोटो मात्रै देख्ने गरेका स्वास्थ्यकर्मी हप्ता जसो अस्पतालमै आएर स्वास्थ्यकर्मी  र बिरामीका कुरा सुन्ने तथा जुम मिटिङ राखेरै भएपनि दैनिक रिपोर्टिङ माग्ने  मन्त्री पाएकोमा खुसी  छन् । 

प्रादेशिक अस्पताल कुश्मा पर्वतका मेडिकल अधिकृत डा. कुशल अधिकारी मन्त्रीले हरेक ससाना अस्पतालसम्म चासो देखाइदिँदा  स्वास्थ्यकर्मीहरूको मनोबल बढेको बताउनुहुन्छ । यो सक्रियतासँगै अस्पतालको दीर्घकालीन पूर्वाधार विकास र स्रोत साधनको उपलब्धतालाई बढाउँदा स्वास्थ्य सेवा प्रभावकारी हुने डा. अधिकारीको बुझाई छ । 

स्वास्थ्य क्षेत्रमा देखिने र सेवाग्राहीले अनुभूति गर्ने स-साना कामसँगै दीर्घकालीन महत्वका योजना र पूर्वाधारमा पनि मन्त्री पाठकले महत्त्वपूर्ण काम गरेका छन् । आठ महिना अघि प्रदेश मन्त्रीको जिम्मेवारीमा पुगेका पाठकले गण्डकी प्रदेशका २५ बढी अस्पतालको आकस्मिक सेवा सुदृढीकरण,११ जिल्लाका २५ स्वास्थ्य संस्थामा डिजिटल रेकर्ड प्रणाली,१० वटा सामुदायिक अस्पतालमा ल्याब सेवा विस्तार, ६ वटा स्थानीय तहमा नयाँ ‘हेल्थ पोस्ट’ स्थापनाको योजना अघि बढाएका छन् ।

यो सँगै ज्येष्ठ नागरिकका लागि ‘घरमै स्वास्थ्य परीक्षण’ कार्यक्रम पनि  परीक्षणका रूपमा सुरु हुदैछ । यससँगै प्रदेशको स्वास्थ्य क्षेत्रमा आन्तरिक बजेट वृद्धि गर्नेदेखि सङ्घीय सरकारमार्फत हुने स्वास्थ्य कार्यक्रममा पनि गण्डकी प्रदेशलाई प्राथमिकतामा राख्न सङ्घीय  सरकारका विभिन्न निकायसँग भेटघाट, छलफल र दबाब दिँदै आएका छन् ।  

एउटै दलको स्पष्ट बहुमत नहुँदा बन्ने गठबन्धन सरकार बन्ने र ढल्ने क्रम चलिरहेको छ । मन्त्री बनेको आठ महिनामै देखिने गरि परिवर्तनको महसुस गराएका पाठकले आफ्नै कार्यकालमा धेरै गर्ने योजना बनाएका छन् । तर, छोटो समयमा आफ्नो चाहाना र सक्रियताले मात्रै अपेक्षित काम गर्न सजिलो नभएको पाठकको अनुभव छ । गठबन्धन सरकारमा हुँदा आफुले गर्ने काममा सत्ता साझेदार दलका नेताहरूको भूमिका,विद्यमान कानुनी जटिलतासँगै कतिपय अवस्थामा कार्यरत कर्मचारीले गर्ने ढिलासुस्तीले पनि अप्ठ्यारो पार्ने गरेको सुनाउनु भयो ।

एकातर्फ प्रदेशमा पर्याप्त स्रोत साधनको अभाव हुनु । अर्कोतर्फ, भएका स्रोतसाधनको उपयोगमा पनि विद्यमान कानुनी तथा नीतिगत जटिलताले छरितो र प्रभावकारी कार्यान्वयनमा समस्या भएको मन्त्री पाठकले सुनाउनु भयो ।  यसलाई सहज बनाउनकै लागि  उहाँले सङ्घीय सरकारसँग सार्वजनिक खरिद प्रक्रिया सरल पार्न र प्रदेश सरकारको अधिकार बढाउन अहिले पनि  निरन्तर संवाद गरिरहेको बताउनुहुन्छ ।   

गण्डकी प्रदेशमा मन्त्री पाठकको सक्रियता देखेर अब स्थानीय जनप्रतिनिधि, स्वास्थ्यकर्मी र सेवाग्राहीबिच प्रदेश सरकारप्रति नयाँ आशा पलाउन थालेको छ। जनस्वास्थ्य कार्यालय बाग्लुङका प्रमुख घनश्याम सापकोटा भन्नुहुन्छ- ‘पहिलो पटक प्रदेश सरकारले स्वास्थ्य सेवा जस्तो छिटो प्रभाव देखिने क्षेत्रमा प्रभावकारी कदम चालेको देखिन्छ, यसले प्रदेशको औचित्यप्रति जनताको विश्वास बढाउन सक्छ।’

जनस्वास्थ्य कार्यालय तनहुँका स्वास्थ्यकर्मी सुदिप कँडेलले  अहिले प्रदेशले स्वास्थ्यमा भनेजस्तो काम गर्न थालेको सुनाउनु भयो । मन्त्रीको सक्रियताको प्रशंसा गर्दे यसले  सङ्घीयता विरोधी आवाजलाई कमजोर पार्न र सङ्घीयतालाई बलियो बनाउन कँडेलको भनाई छ ।

The post सूर्योदयसँगै सुरु हुन्छ गण्डकी प्रदेशका स्वास्थ्यमन्त्री कृष्ण पाठकको दौडधुप appeared first on मानव आवाज.