ललितपुर । प्रधान सेनापति अशोकराज सिग्देलले आन्दोलनकारीलाई सम्पूर्ण आन्दोलन बन्द गरेर वार्ताका लागि आउन आग्रह गर्नु भएको छ ।
सेनाप्रमुख सिग्देलले वार्ताबाट समाधान खोजिने भन्दै जेनजी पुस्तालाई वार्तामा आउन आग्रह गर्नु भएको हो ।
आन्दोलन क्रममा भएको जनधनको क्षतिप्रति दुःख व्यक्त गर्दै सिग्देलले सार्वजनिक सम्पत्ति संरक्षण निम्ति पनि अपिल गर्नु भएको छ ।
यसैबिच नेपाली सेनाले मुलुकको सम्पूर्ण सुरक्षा कमाण्ड लिँदै २०८२ भदौ २४ गते राति १० बजेदेखि परिचालित हुने जनाएको छ ।
सरकारले गरेको निर्मम दमनपछि जेन-जी आन्दोलन हिंसात्मक हुँदै जाँदा नेपाली सेनाले आफू परिचालिन हुन लागेको जनाएको हो ।
प्रदर्शनमा बल प्रयोग नगरेको सेनाले परिचालित भएपछि आन्दोलनका नाममा विध्वंश मच्चाउनेहरूमाथि कारबाही थाल्नेछ ।
सेनाले आफू लगायत अन्य सुरक्षा निकायहरू तैनाथ हुने जानकारी पनि दिएको छ ।
