ललितपुर । महाङ्काल गाउँपालिका-६ का स्थानीय रामशरण घिमिरे रुखबाट लडेर गम्भीर घाइते भएपछि काठमाडौंस्थित राष्ट्रिय ट्रमा सेन्टरमा जीवनमरणको सङ्घर्ष गरिरहनु भएको छ ।
मङ्सिर ६ गते घाँस काट्ने क्रममा रुखबाट अचानक लडेपछि उहाँको टाउकोमा गम्भीर चोट, मेरुदण्ड र दुवै कम्मर भाँचिएको, साथै शरीरका भित्री अङ्गमा गम्भीर असर परेको परिवारले जनाएको छ ।
हालैमात्र गरिएको शल्यक्रियापछि चिकित्सकको निरन्तर निगरानीमा उपचार भइरहे पनि थप उपचारका लागि ठूलो रकम आवश्यक परेको परिवारले जनाएको छ ।
आर्थिक अवस्था कमजोर भएकाले उपचार खर्च जुटाउन कठिन भइरहेकाले परिवार गहिरो पीडामा छ ।
यो दुखद् घटनाले शरीरको भरपर्दो अङ्ग नै गुमाउने जोखिममा पुग्नु भएका रामशरणलाई समयमै उपचार आवश्यक भएकाले परिवारजनले दयालु मन भएका सबैमा आर्थिक सहयोगका लागि अपिल गरेका छन् ।
सामूहिक सहयोग र सहानुभूति जुट्ने हो भने रामशरणलाई नयाँ जीवन दिलाउन सकिने विश्वास परिवारको छ ।
जो जसरी सकिन्छ, सकेको सहयोग प्रदान गरी एक ज्यान बचाउन सबैलाई आग्रह गरिएको छ ।
