माघ ११ गते हुने राष्ट्रियसभा निर्वाचनका मतदाता कुन प्रदेशमा कति ?

काठमाडौँ । निर्वाचन आयोगले २०८२ माघ ११ गतेका लागि तोकिएको राष्ट्रियसभा निर्वाचनका लागि मतदाताको प्रारम्भिक नामावली सार्वजनिक गरेको छ । आयोगका अनुसार २ हजार ४३ जना मतदाता रहेको आयोगले जनाएको छ । 

स्वीकृत नामावलीमा प्रदेशसभा सदस्यमध्ये अदालतको आदेशबमोजिम पदमुक्त भएका एकजना र निलम्बनमा परेका चारजना गरी जम्मा पाँचजना तथा स्थानीय तहका पदाधिकारीमध्ये निधन भएका एकजना र निलम्बनमा रहेका सातजना गरी जम्मा आठजना मतदाताको नामावली समावेश छैन । आयोगले २०८२ पुस २२ गते अन्तिम मतदाता नामावली प्रकाशन गरिने जनाएको छ ।