ललितपुर । इङ्ग्लिस प्रिमियर लिगको पावरहाउस चेल्सीले फिफा क्लब विश्वकप २०२५ को उपाधि उचालेको बीबीसीले जनाएको छ।
फाइनलमा फ्रान्सेली क्लब पेरिस सेन्ट जर्मेन (पीएसजी) लाई ३-० ले हराउँदै चेल्सीले विश्व च्याम्पियनको उपाधि उचालेको हो ।
मेटलाइफ स्टेडियममा भएको फाइनल खेलमा चेल्सीका स्टार खेलाडी कोल पाल्मरले उत्कृष्ट प्रदर्शन गर्नु भएको थियो ।
उहाँले खेलको २२औँ मिनेटमा पहिलो गोल गर्दै टोलीलाई अग्रता दिलाउनु भयो ।
त्यस्तै, ३०औँ मिनेटमा पाल्मरले दोस्रो गोल थप्नु भयो भने उहाँको सहयोगमा अर्को एक गोल भयो ।
पीएसजीले केही अवसर सिर्जना गरे पनि चेल्सीका गोलकिपर सान्चेजले उत्कृष्ट बचाउ गर्दै क्लिन सिट राख्नु भयो ।
प्रशिक्षकको रणनीति र खेलाडीहरूको तालमेलले चेल्सीले युरोपेली च्याम्पियन पीएसजीलाई सहजै पराजित गर्यो।
यसअघि चेल्सीले सन् २०२२ मा पनि क्लब विश्वकप जितेको थियो। यो जितसँगै चेल्सीले विश्व फुटबलमा आफ्नो दबदबा कायम राखेको छ।
