ललितपुर। टिभी रियालिटी शो ‘कमेडी दरबार’ मा एक महिना अनुपस्थित हुने भएपछि कमेडीयन मनोज गजुरेलको ठाउँमा चलचित्र निर्देशक प्रदिप भट्टराईको प्रवेश भएको छ ।
गजुरेल एक महिनाका लागि युरोप टुरमा निस्किएपछि निर्देशक भट्टराईलाई ‘गेस्ट महाराजा’ को रुपमा भित्र्याइएको जनाइएको छ ।
कमेडी दरबारकी निर्देशक श्रद्धा प्रसाईँले मनोज गजुरेलको युरोप टुरको समयमा प्रदीप भट्टराईलाई आफूहरूले निमन्त्रणा गरेको बताउनु भएको छ ।
भट्टराई नेपाली चलचित्र क्षेत्रका सफल र लोकप्रिय निर्देशकका साथै कमेडी रियालिटी शो कमेडी च्याम्पियनका जज समेत हुनुहुन्छ ।
