ललितपुर । नेपाल पञ्चाङ्ग निर्णायक विकास समितिका अनुसार २०८३ असोज ३१ गते बिहान ७ बजेर ३७ मिनेटमा फूलपाती भित्र्याउने उत्तम साइत छ ।
फूलपाती नेपाली हिन्दू संस्कृतिको महत्त्वपूर्ण परम्परा हो । आज विशेषगरी घरघरमा नवदुर्गाको पूजाआराधना गर्दै फूलपाती भित्र्याउने चलन छ ।
फूलपातीलाई देवी दुर्गाको शक्ति, समृद्धि र मङ्गलको प्रतीकका रूपमा लिइन्छ । स्थान र परम्पराअनुसार शास्त्रमा नौ प्रकारका फूलपातीको उल्लेख गरिएको छ ।
केरा, बेसार, हलेदो, जयन्ती, बेल, अनार, अशोकको वृक्ष, माने कर्कलो र धान गरी नौ पत्रिका मानिएका छन् ।
परम्पराअनुसार गोरखाबाट ल्याइएको फूलपातीलाई विधिपूर्वक काठमाडौँ ल्याएर हनुमानढोका दरबारस्थित दसैँघरमा भित्र्याउने गरिन्छ ।
