काठमाडौं । सर्वोच्च अदालतले पक्राउ परेका व्यक्तिलाई पक्राउ पुर्जी वा अभियोगकै आधारमा अनिवार्य रूपमा हतकडी नलगाउन प्रहरी प्रधान कार्यालयका नाममा अन्तरिम आदेश जारी गरेको छ ।
न्यायाधीशद्वय नहकुल सुवेदी र शान्तिसिंह थापाको संयुक्त इजलासले रोशन आउजीसहितले दायर गरेको रिटमाथि सुनुवाइ गर्दै यस्तो आदेश दिएको हो ।
अदालतले हतकडी लगाउनुअघि पक्राउ परेका व्यक्तिको भाग्ने जोखिम, हिंसात्मक व्यवहार तथा अरूलाई क्षति पुर्याउन सक्ने अवस्थाको वस्तुनिष्ठ मूल्याङ्कन गर्नुपर्ने जनाएको छ ।
अपरिहार्य अवस्थामा हतकडी लगाए त्यसको अभिलेख राख्नसमेत अदालतले भनेको छ ।
