काठमाडौँ । पछिल्ला तीन महिनामा प्रेस स्वतन्त्रता हननका ६१ घटना घटेको प्रेस काउन्सिल नेपालले जनाएको छ ।
गएको साउन १ गतेदेखि असोज ३१ गतेको अवधिमा सङ्ख्यामा प्रेस स्वतन्त्रता हननका घटना भएको काउन्सिलले जनाएको हो ।
तीमध्ये सबैभन्दा धेरै आक्रमण र कुटपिटका ३४ घटना रहेको काउन्सिलका वरिष्ठ प्रशासकीय अधिकृत एवम् प्रवक्ता दीपक खनालद्वारा जारी विज्ञप्तिमा उल्लेख छ ।
त्यसैगरी धम्की/दुर्व्यवहारका १०, पेसागत असुरक्षाका आठ, कब्जा/अवरोधका पाँच र नीतिगत बन्देजका दुई ओटा घटना अभिलेखित छन् ।
प्रदेश अनुसार सबैभन्दा धेरै बागमतीमा ४४, मधेशमा ६, लुम्बिनीमा चार, कोशीमा तीन, कर्णालीमा एक र सुदूरपश्चिममा तीन ओटा घटना घटेका छन् ।
लैङ्गिक आधारमा यस अवधिमा भएका घटनामा ४३ पुरुष र तीन महिला गरी ४६ जना पत्रकार पीडित भएका पाइएको छ ।
